Samahang Walang Katulad

Sa aking pagtanda
paglimot ay di magagawa
sa mga panahong
ako ay naging bata.
Lalo na ang mga ala-alang
kayo ang kasama
walang humpay ang ligaya
animo'y wala nang darating na umaga.

Puso ay kay saya
'pag magkakasama't nagtatawanan,
saan mang lakaran
o sa harap ng inuman
maging sa hapag kainan
siguradong walang iwanan.
Sa panahon ng kalungkutan
kayo'y laging nasasandalan.

Kung dumating man ang oras
magkakahiwa-hiwalay ang mga landas
pangakong di makakalimot
sa pagmamahal ninyong wagas
at pag-aalagang walang katumbas.
Lalo na ang mga tawanan,
iyakan, inuman, lakaran,
at mga samahang walang katulad.