It akon kinabuhi yana,
baga ba hin waray na data,
ha akon pagmamata hit aga,
permi waray na gana.
Waray trabaho,
salit bantay hit tindahan.
Ngadto hit may kanto,
harani ha basketbolan.
Ha basketbolan,
it iyo permi murumlayan,
haros makalimtan na tanan,
kun ikaw nakikit-an.
Pero kutob nala ako siplat,
ginsusundan it imo kada pitad,
it akon inaabat,
maaram ako dire dapat.
Kutob nala geap ako inop,
makakaptan it igkasi kamot,
matatagamtaman it imo hangkop,
ngan matam-is nga harok.
Kay kita nga duha mag sangkay,
mag-usa pa kita hin baranggay,
para ha akon dire angay,
nga kita maggi-igihay.
Ikaw an nakalingaw,
pag-inisip ha imo,aguy! napapiraw,
ha kada pagsisirang hit adlaw,
ikaw it rason han pagpukaw.
Kutob daw la san-o,
matatago ine nga inaabat ko,
nag-aalang man liwat ako,
bangin dire karawton nimo.
Unta dire mo nala masabtan,
bangin imo la pagtaw-an o ako imo iwasan,
ayaw gad, pastilan!
dire ko makakayanan.
...
Hay, salamat,
gab-e naliwat.
Kaagahon akon ginhuhulat,
kay buwas it akon hingyap,
ha basketbolan ada ka naliwat,
maabot ngan malalanat-lanat,
hit akon..__ SIPLAT.
baga ba hin waray na data,
ha akon pagmamata hit aga,
permi waray na gana.
Waray trabaho,
salit bantay hit tindahan.
Ngadto hit may kanto,
harani ha basketbolan.
Ha basketbolan,
it iyo permi murumlayan,
haros makalimtan na tanan,
kun ikaw nakikit-an.
Pero kutob nala ako siplat,
ginsusundan it imo kada pitad,
it akon inaabat,
maaram ako dire dapat.
Kutob nala geap ako inop,
makakaptan it igkasi kamot,
matatagamtaman it imo hangkop,
ngan matam-is nga harok.
Kay kita nga duha mag sangkay,
mag-usa pa kita hin baranggay,
para ha akon dire angay,
nga kita maggi-igihay.
Ikaw an nakalingaw,
pag-inisip ha imo,aguy! napapiraw,
ha kada pagsisirang hit adlaw,
ikaw it rason han pagpukaw.
Kutob daw la san-o,
matatago ine nga inaabat ko,
nag-aalang man liwat ako,
bangin dire karawton nimo.
Unta dire mo nala masabtan,
bangin imo la pagtaw-an o ako imo iwasan,
ayaw gad, pastilan!
dire ko makakayanan.
...
Hay, salamat,
gab-e naliwat.
Kaagahon akon ginhuhulat,
kay buwas it akon hingyap,
ha basketbolan ada ka naliwat,
maabot ngan malalanat-lanat,
hit akon..__ SIPLAT.
No comments:
Post a Comment