pag iisipan ko pa kung anu gagawin kong title dito.. :D

Ada ka permi para ha akon,
labi na kun ako masulob-on,
ha ngatanan nga desisyon,
nasuporta ka permi ha akon.

Sangkay nga matatapuran,
ha oras ngatanan,
kahulop man o karisyuhan,
deri mo ako ginpapabay-an.

Hingyap ko dire magbag-o,
aton pagkasangkay hirutan nimo,
kay ha kasing-kasing ngan huna-huna ko,
ada permi an ngaran nimo.

Unta magdugay pa,
aton pagkasangkay humalaba pa,
kun umabot man it punto nga
mag iba it dalan naton nga duha,
adi la gihap ako nakasuporta.

Ako permi minimingaw,
han aton pagkakahirihimangraw,
it imo boses nga nakakalingaw,
aton iristorya permi marisyo ngahaw.

Halaba pa it aton lalakton,
lubak-lubak nga dalan it aton karadtuon,
ikaw paghinay,
imo pitad hiruti hin tiupay,
bangin ka magsayop,
it ul-ol ngan samad dire la harumamay.

Kun umabot man it takna,
ikaw kurian hit problema,
ayaw hingalimot nga,
adi la ko im luyo masalo kun ikaw matumba.

Damo nga salamat,

unta dire ka magbag-o.

akon su-ok nga sangkay..

akon bugto..